Brennsluæfingar
Brennsluæfingar eru nauðsynlegar til að léttast en það sem er mikilvægt er að gera þær rétt. Hægt er að ná
góðri brennslu á margan hátt, t.d. með því að synda, sippa, hlaupa, skokka, ganga, nota crosstrainer, hjóla o.s.frv.
Púls
Margir velt því fyrir sér hversu hár púls á að vera til þess að líkaminn brenni sem mestri fitu. Við litla áreynslu eins og
kyrrstöðu og létta göngu notar líkaminn frekar fitu en kolvetni sem orkugjafa. Við mikla áreynslu notar líkaminn frekar kolvetni en fitu. En
það er fleira en þetta sem skiptir máli, þú brennir fleiri kaloríum við meiri áreynslu.
Kaloríur
Allt tengist þetta því hvort að við innbyrðum fleiri eða færri kaloríur en við brennum á degi hverjum. Ef þú brennir fleiri
kaloríum en þú innbyrðir endar það með þyngdartapi hvort sem þú brennir fitu eða kolvetnum. Gott er að hugsa þetta út
frá þessu sjónarhorni: þú brennir jafnmörgum kaloríum á að ganga 10 km og að hlaupa 10 km. Hljómar sérkennilega, ekki satt?
Jú, en hugsið ykkur þá tímamuninn! Það tekur miklu lengri tíma að ganga þessa 10 km en að hlaupa þá. Þess vegna
brennirðu meira á því að hlaupa í 30-60 mín. heldur en að ganga í jafnlangan tíma. Gott er samt sem áður að fylgjast með
púlsinum til öryggis. Gott er að ráðleggja sig við lækni áður en byrjað er á erfiðum æfingum.
Að koma líkamanum á óvart
Til þess að ná enn betri árangri er nauðsynlegt að koma líkamanum sífellt á óvart. Ef þú gerir alltaf sömu
æfingarnar á sama hraða, við sömu aðstæður, venst líkaminn hreyfingunni og tekur henni sem hverri annarri daglegri hreyfingu. Nauðsynlegt er að
hafa æfingarnar fjölbreyttur eins og mataræðið. Lotuþjálfun (intervalþjálfun) kallast sú þjálfun þegar sífellt er
verið að breyta um hraða og aðstæður. Í flestum brennslutækjum á líkamsræktarstöðvum er hægt að stilla á
lotuþjálfun og þá sjá tækin um að breyta sífellt um erfiðleikastig fyrir okkur. En ef verið er að gera
æfingar heima eða úti við er lítið mál að sjá um þetta sjálfur, t.d. með því að gera æfinguna hratt
í 1 mínútu og hægt í 2 mínútur o.s.frv. Einnig er gott að nýta sér ljósastaura, t.d. hlaupa milli tveggja
ljósastaura, ganga milli næstu, og svo bæta alltaf við, hlaupa eða taka sprett milli 3 ljósastaura, ganga milli 2.
Við mælum með því að skoða Tabata method sjá hér.
