Með því að
æfa suma vöðvahópa meira en hina getur það leitt til slæmrar líkamstöðu sem getur svo valdið vandamálum í baki, herðum,
mjöðmum og/eða hnjám. Til að fyrirbyggja að svo gerist þarf að þjálfa alla vöðvahópa jafnt. En ef þið teljið ykkur
þurfa að æfa einn vöðvahóp meira en hinn passið ykkur þá á að teygja vel eftir æfingar. Ef ekki er teygt nóg styttast
vöðvarnir og verða styrðir sem getur svo leitt til slæmrar líkamstöðu.Ósamræmi milli brjóstvöðva og bakvöðva er algengt hjá lyftingarfólki sérstaklega karlmönnum sem eyða miklum tíma í bekkpressu og litlum tíma í teygjur. Ef brjóstvöðvarnir eru stirðir og stuttir draga þeir axlirnar með sér niður og veldur þar með slæmri líkamstöðu sem getur svo leitt til vandamála sérstaklega í baki.
Kviðæfingar og aftur kviðæfingar. Það vilja allir sixpack og margir halda að eina leiðin til að ná því er með því að gera hundruð kviðæfinga daglega. Það er lítið hugsað um mjóbakið en með öllum þessum kviðæfingum kemur ójafnvægi milli framhliðar og afturhliðar sem skapar þar með slæma líkamstöðu. Kviðurinn styttist með tímanum og getur fólk þá orðið hokið.
Rassvöðvar eru sterkustu vöðvar líkamans og eru mjög mikilvægir fyrir góða líkamsstöðu. Veikir rassvöðvar geta valdið því að fetta myndist á mjóbakið þegar staðið er og æfingar framkvæmdar sem getur svo orðið að bakvandamálum. Sterkir og stuttir aftaná lærisvöðvar eða hamsting getur einnig valdið því að líkaminn togist niður í vitlausa stöðu.
Nauðsynlegt er að passa uppá að æfa framhlið og afturhlið jafn mikið og teygja vel á. Gott er að prufa að taka kviðæfingar annan hvorn dag og mjóbak annan hvorn dag. Það er nóg að taka t.d 3 sett af 20 endurtekningum, 1-3 æfingar og í þess í stað vanda sig meira og taka þær rólega. Spenna rass og kvið þegar framkvæmdar eru æfingarnar og ef rassvöðvar eru veikir, taka þá 1-3 rassæfingar 3 svar í viku og taka eina rassæfingu fyrir lappaæfingu til að virkja rassvöðvana í æfingunum.
