Tabata method er lotuþjálfun sem er orðin
gríðarlega vinsæl! Hún gengur út á stutta erfiða spretti og stuttar hvíldir á milli. Vinsælast hefur verið að nota 8x20 og 10
sek. í hvíld sem er þá 8 sinnum 20 sek. sprettir og 10 sek. hvíld á milli. Þetta eru aðeins 20 sekúndur í senn og á
þá að klára sig alveg og gera sitt allra besta í hverjum spretti. Betra er að taka færri spretti vel heldur en fleiri rólega. Það er í
lagi að byrja á 4 sprettum, fara svo upp í 6 og síðan í 8 því að þessi æfing er mjög erfið. Gott er að fylgjast
með púlsinum á æfingum með púlsmæli þar sem að æfingarnar reyna vel á þolið.
Að auka hraðann
Í staðinn fyrir að fjölga úr 8 sprettum í 10 er betra að auka frekar hraðann. Hægt er að nota þessa aðferð við allar
tegundir æfinga, bæði brennslu, s.s. hlaup, sipp, hopp, hjól, crosstrainer, og þær æfingar sem ykkur dettur í hug en einnig er hægt að
gera þetta með styrktaræfingar. t.d. hnébeygjur, upplyftur, dýfur o.s.frv. Með þessum hætti nær líkaminn aldrei að venjast
aðstæðum og verður því brennslan í hámarki á æfingunni og marga tíma á eftir. Það er óhætt að segja
að þessi æfing sé með þeim áhrifaríkari og er líka mjög góð ef markmiðið er að bæta þol.
Hægt að flétta saman við aðrar æfingar
Hægt er nota þessa aðferð sem hluta af annarri æfingu og einnig að gera heila æfingu út frá þessu með því að gera nokkrar
æfingar og allar þá með 8x20 sek. sprettum. Gott er að hafa klukku með sekúnduvísi á veggnum fyrir framan þig meðan þú
gerir æfingarnar til að fylgjast með tímanum en annars er hægt að vera með skeiðklukku á sér eða símann á gólfinu fyrir
framan sig.
